Auglýsingablaðið

Auglýsingablað 1230. tbl. 16. árg. miðvikudaginn 14. febrúar 2024.

Sveitarstjórnarfundur
627. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 22. febrúar og hefst hann kl. 8:00.
Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Frá Félagi eldri borgara í Eyjafjarðarsveit
Aðalfundur félagsins verður haldinn í Félagsborg laugardaginn 9. mars og hefst
kl. 11:00. Venjuleg aðalfundarstörf. Á vegum félagsins verður boðið upp á súpu og brauð að loknum fundi. Vonumst til að sjá ykkur sem flest.
Stjórnin.

AÐALFUNDUR
Kvenfélagið Hjálpin heldur aðalfund sinn að Brúnum
þann 17. febrúar kl. 11:00.

Fundarefni:
Venjuleg aðalfundarstörf
Kosning gjaldkera og varagjaldkera
Önnur mál

Veitingar í boði skv. venju.

Kvenfélagið Hjálpin er rótgróinn félagsskapur sem var stofnaður árið 1914 og hét upphaflega Hjúkrunarfélagið Hjálpin. Markmið félagsins var að styðja við bakið á sjúkum og þeim sem minna máttu sín í nærsamfélaginu og má segja að svo sé enn í dag þó flest hafi breyst á þessum 110 árum.
Það er því stórafmæli framundan og hafa félagskonur í hyggju að fagna þessum tímamótum með veglegum hætti.
Nýjar félagskonur hjartanlega velkomnar til að taka þátt í okkar frábæra starfi en einnig eru áhugasamar velkomnar á fundinn án allra skuldbindinga.

Kveðja, stjórnin.

Handverksmessa í Saurbæjarkirkju og vöfflukaffi á Smámunasafninu
Hin árlega handverksmessa í Saurbæjarkirkju fer fram næstkomandi sunnudag
kl. 13:00. Ræðukona er Jenný Karlsdóttir, handverkskona og kennari, sem sæmd var riddarakrossi Forseta Íslands á nýársdag fyrir framlag sitt til varðveislu íslenskrar alþýðu- og handverksmenningar.

Kirkjukór Grundarsóknar syngur undir stjórn Þorvaldar Arnar Davíðssonar organista. Prestur er Jóhanna Gísladóttir og meðhjálpari Auður Thorberg. Sóknarnefnd býður upp á vöfflukaffi á Smámunasafninu að messu lokinni. Verið öll hjartanlega velkomin!

Gaukshreiðrið hjá Freyvangsleikhúsinu
Frumsýning 16. febrúar kl. 20:00.
Sýningar næstu helgar komnar í sölu á tix.is og í síma 857-5598.
Freyvangsleikhúsið.

Bókasafn Eyjafjarðarsveitar
Vegna vetrarleyfis Hrafnagilsskóla verður bókasafnið lokað dagana 14., 15. og 16. febrúar.
Opnum aftur þriðjudaginn 20. febrúar.
Venjulega er opið á safninu:
Þriðjudaga frá 14:00-17:00
Miðvikudaga frá 14:00-17:00
Fimmtudaga frá 14:00-18:00
Föstudaga frá 14:00-16:00

Iðunnarkvöld
Næsta Iðunnarkvöld verður haldið þriðjudagskvöldið 20. febrúar og hefst kl. 20:00. Við hittumst í fundarherberginu í Laugarborg og eru nýjar konur, sem áhuga hafa á skemmtilegu og gefandi samstarfi, boðnar sérstaklega velkomnar.
Hlökkum til að sjá ykkur sem flestar. Kíktu hér á okkur á facebook.
Kveðja, 2. flokkur Kvenfélagsins Iðunnar.